Feuerweer

Aran uun a regjuun, stark uun Europa 

Redin troch iinsats – a feuerweer!

A feuerweer redet manerhaidspriaken, wat faan’t ütjsterwen trüüwet san (t. b. nuurdfresk), jo stridj för muarspriakethaid an san a „held“ faan a spriakelk manigfualighaid. Mä hart an graten iinsats – jo werke miast iarenamtelk, auer jo ütj auertjüüging hanle. Uk wi hanle ütj at auertjüüging, det a spriakelk manigfualighaid wat wichtigs as, wat bewaaret an redet wurd skal. Diarbi as at aptreeden faan a feuerweer leewen fit an sportelk, jo san aktiif an rep diarmä uk DI diartu ap, wat tu dun an DI för a kultüürel manigfualighaid iintusaaten – so küdst DÜ t.b. tu dön 1 miljuun onerskraften bidreeg! Aktsjuun as at jindial faan lungwiilj an at aanj faan ianspriakethaid. A feuerweer desket ial an det leet ham üüb konflikten auerdreeg, wat troch spriakgrensen enstun. Tu’t deskin wurt oober nian weeder man at spriakenliaren benatigt. Det halept dön manerhaidspriaken an DI, uk uun a beruuf föördialen troch muarspriakethaid tu fun. För a feuerweer as arke leewent likeföl wäärt – för üs as at arke spriak at wäärt, snaaket tu wurden; at gungt am a likwäärtighaid faan a manerhaidspriaken.