Life Long Learning

Histoore

RML2future_logo

RML2future – neetwerk för muarspriakethaid an spriakelk manigfualighaid uun Europa

Det europeesk kampagne language diversity as enstenen ütj at werk faan RML2future – neetwerk för muarspriakethaid an spriakelk manigfualighaid uun Europa. Detdiar neetwerk, wat auer trii juar – faan 2009-2012– tup mä muar partnern ütj hial Europa an mä bihalep faan a EU-komisjuun apbaud wurden as, stipet a muarspriakethaid an spriakelk manigfualighaid uun det Europ faan’t 21. juarhunert, huar a regjonool- an manerhaidspriaken (RML) aktiif mä iinbetaanjen wurd. Diartroch, det a regjonool- an manerhaidspriaken en huuger uunsen brük, ensted de toocht, en spriak- an sensibilisiarings-kampagne mä halep faan informatjuuns- an komunikatjuunstechnologien, wat regjonool amsaat wurd, uun a gang tu fun: language diversity.

At neetwerk RML2furture as sodening a raam an a grünjlaag för language diversity. Det neetwerk stipet at kampagne diartroch, det at dön resultooten faan sin trii juar lung werk tu det team faan language diversity widjerdee. Det neetwerk för muarspriakethaid an spriakelk manigfualighaid hee uun a luup faan a tidj tup mä onerskiaselk aktöören draapen, konferensen an promo-tuuren trochfeerd, werbe- an informatjuunsmateriool tu muarspriakethaid an spriakelk manigfualighaid ütjwerket, an dokumentatjuunen an berachten ütjden. Jo san uun’t archiif üüb üüs websidj tu finjen.

Det neetwerk RML2future amfaadet dön beriken: muarspriakethaid faan letj uf uun, spriak-sertifisiaring, woksenenonerracht, spriakplooning an spriakpolitiik. Am dön regjonool biljings-potensiaal ütjtunatgin ferfuligt det neetwerk det tup mä praktikern, eksperten an lidj, wat wat tu enskiasen haa, det apbauen faan know-how uun dön beriken spriakplooning an spriakpolitiik bi dön bedialigten.  Det neetwerk streewet uun tu en kompetens-sentrum för regjonool- an manerhaidspriaken an muarspriaket regjuunen tu wurden. Basis faan RML2future san dön auer hunert organisatjuunen faan dön autochtuunen, natsjonoolen manerhaiden, wat uun FUEV an a JEV organisiaret san.

Auersicht auer dön mualen faan’t neetwerk:

  • At stipin faan europeesk muarspriakethaid, mä en efektiifen bidrach för det mual tocht at liaren faan tumanst tau muar spriaken üüb sidj faan’t mamenspriak an at leewenloong widjerliaren, wat ham uk üüb dön uun a regjuunen laben manerhaidspriaken betjocht.
  • Bewaarin faan a spriakelk manigfualighaid uun Europa an fööraal faan dön trüüwet manerhaidspriaken, troch at stipin faan jar uunsen an uunerkeening, fööraal uun a europeesk kontekst faan muarspriakethaid.
  • Ütjskebin faan regjonool biljings-potensiaal troch at tupwerkin faan praktikern, eksperten, an at skaafin faan spriakenfrinjelk amfialen uun a europeesk regjuunen, huarbi a manerhaidspriaken mäiinbetaanjen san.
  • Mäwerkin bi a enwikling an at amsaaten faan en europeesk spriakpolitik, huar a manerhaidspriaken an at mainstreaming faan a resultooten faan’t neetwerk mä tu hiar.
  • Etabliarin faan en prufesjoonel neetwerk tu’t amsaaten faan dön mualen an at beriaden an stipin faan en starker europeesk tupwerkin, fööraal faan dön spriakliarern an spriakiinrachtingen faan a manerhaidspriaken.

Heer gungt at tu dön partnern faan RML2future