Choose your language
Liktidjig mä a futbaal-europamäästerskap faan a UEFA, a EURO 2012 uun Polen an a Ukraine, wiar faan 16.-24. jüüne 2012 a määsterskap faan dön autochtuun an natsjonool manerhaiden faan Europa bi a sorben uun Tjiisklun ütjdraanjen. Üüs language diversity team wiar a hiale weg diarbi.
Ütjracht wurd a EUROPEADA 2012 faan a Federal Union of European Nationalities (FUEN) – der Bund Lausitzer Sorben.
A EUROPEADA 2012 sted oner a schirmherrschaft faan a ministerpresident faan Sachsen Stanisław Tillich, wat uk salew en sorbe as. 19 maanskapen ütj twaalew europeesk lunen haa mäenöler uun a weedstridj stenen. Heertu teel a maanskap faan sorben, faan a süüdtiroler, wat at letst feer woon, a zimbern; a okzitaner, a deensk manerhaid an uk manerhaiden saner en mamenstoot so üüs a ladiner, rätoromanen an a karachay.
Üüs europeesk sport-event holep a EUROPEADA 2012 diartu bi düütelk tu maagin, det a autochtuun an natjonool manerhaiden an jar spriaken en dial faan a europeesk kultüür san an tu Europa diartu hiar.
So natigt uk üüs language diversity team mä halep faan a JEV a EUROPEADA 2012 för letj kampangnen för muarspriakedhaid an spriakelk manigfualighaid. Widjert a futbaalspalen wurd letj filmen dreid, produkten ferdiald, futbaalspalen för a livestream uun oner
skiasel spriaken komentiaret an diar wurd promotjuunsaktjuunen, flashmobs an interviews maaget.
Üüb sidj faan a futbaal konsentriaret ham üüs team fööraal üüb jongen an jong lidj. Wi besoocht sorbisk skuulen, am a skuuljo
ngen üüb en lacht oort an wiis at teema muarspriakedhaid an spriakelk manigfualhaid naier tu bringen. Widjet detdiar weg liard üs at hiale regjuun keenen, wi haa mä fölen snaaket an kontakten an frinjskaften fünjen.
Üüs videos faan a EUROPEADA: http://www.youtube.com/user/languagediversity
Üüs biljen: http://pinterest.com/languaged/
Mehr über unsere Tätigkeit während der EUROPEADA und unsere Produkte
