Choose your language
Üüb a europeesk dai faan a spriaken tu beschük uun Lausitz / Łužica
Hün dai küd wel beeder paase för language diversity, am för muarspriakethaid an spriakelk manigfualighaid tu werbin, üüs a europeesk dai faan a spriaken? A 26. september 2012, a europeesk dai faan a spriaken, wiar det language diversity team tu beschük uun’t sorbisk skuul- an meet-sentrum uun Bautzen/Budyšin uun a Lausitz.
Uun ferbinjing mä det interkultüürel weg faan a lunkris Bautzen/Budyšin wurd diar a „dai faan a slaawisk kultüüren“ ütjracht. Mä fjauer onerskiaselk statsjuunen tu’t teema muarspriakethaid an spriakelk manigfualighaid haa wi skuuljongen ütj ale klasen üüb net oort an wiis tu’t teema henfeerd, mä fokus üüb dön slaawisk spriaken. Heerför wurd t. b. tau wersjuunen faan en spriak-quiz, ian üüb tjiisk an ian üüb sorbisk tupsteld – för letj an grat jongen an för jong lidj. Mä detdiar quiz wurd at weden tu’t teema spriaken faan skuuljongen testet, oober uk hü gud jo assoziere kön. Diartroch, det at quiz tup mä dön skuuljongen ütjwertet wurd, küd language diversity team dön rocht swaaren nauer ferklaare. Üüb sidj faan quiz wurd a skuuljongen en iinfeering uun a internatjonool morsecode uunbeeden, auer uk at morsin en komunikatjuunswai as – uk „Verfahren zur Übermittlung von Buchstaben und Zeichen“ neemd. Dön skuuljongen skul een faan üüs föörden morse-code ütjfinj (rěč / Sprache / language diversity), an jo leederhen en aanjen een ütjteenk, wat jo mä dön ütjdrüken „spriak / spriaken“ ferboon.
A europeesk dai faan a spriaken wurt arkes juar a 26. september üüb initiatiif faan a Europariad uun Straßburg feiert. De europeesk dai faan a spriaken jaft at sant 2001, wat at europeesk juar faan a spriaken wiar. Tutidjs wurt dediar dai uun bit 45 lunen för aktjuunen natigt.
Mual faan de aktjuunsdai as at, tu’t uunsen faan ale spriaken an kultüüren bitudreegen an muarspriakethaid uun hial Europa tu stipin. De toocht diarbeeft as, det at spriakelk manigfualighaid tu en beeder ferstunen tesken dön kultüüren bidreeg kön an det dediar manigfualighaid tu en wichtig paart faan’t kultüürel arewdial faan üüs kontinent tääld. Üüb dediar dai wurd uun gans Europa en hiale rä feruunstaltingen organisiaret: Aktjuunen för an mä jongen, TV- an radioprogramen, spriakkursen an konferensen.
biljen:
https://www.facebook.com/media/set/?set=a.263228553798798.62223.199367046851616&type=1
