Stawizny

RML2future – syć za wjacerěčnosć a rěčnu mnohotnosć w Europje

Europska kampanja sensibilizowanja, language diversity, je so wuwiła z dźěła RML2future – syće za wjacerěčnosć a rěčnu mnohotnosć w Europje. Přez tři lěta – wot 2009 do 2012 – natwarjena a wot komisije EU financowana syć RML2future z wjacorymi partnerami z cyłeje Europy wěnuje so spěchowanju wjacerěčnosće a rěčneje mnohotnosće w Europje 21. lětstotka, z aktiwnym zapřijećom regionalnych a mjeńšinowych rěčow (RML). Z trěbnosće, připóznaće regionalnych a mjeńšinowych rěčow zběhnyć nasta ideja, rěčnu a sensibilizowacu kampanju z pomocu informaciskich a komunikaciskich technologijow a z regionalnym zwoprawdźenjom iniciěrować:: language diversity.

Syć RML2future je tuž ramik a zakład, z kotrehož je nastała language diversity. Syć podpěra kampanju, z tym zo wuslědki třoch lět teamej language diversity dale dawa. Syć za wjacerěčnosć a rěčnu mnohotnosć je w běhu swojeje dźěławosće zhromadnje ze wšelakimi akterami dźěłowe zetkanja, konferency a promotury přewjedła, wabjenske a informaciske materialije k europskej wjacerěčnosći a rěčnej mnohotnosći wuwiła kaž tež dokumentacije, rozprawy a doporučenja wozjewiła. Tute namakaće w archiwje na našej webstronje.

Syć RML2future wobsahuje wobłuki zažna wjacerěčnosć, rěčna certifikacija, kubłanje dorosćenych, rěčne planowanje a rěčna politika. Za wužiće regionalnych kubłanskich potencialow w zhromadnym dźěle praktikarjow, ekspertow a nošerjow rozsudow wobkedźbuje syć natwar trěbneho knowhow we wobłukomaj rěčne planowanje a rěčna politika pola wobdźělenych. Syć prócuje so wo wuwiće ke kompetencnemu centrumej we wobłuku regionalne a mjeńšinowe rěče kaž tež wjacerěčnych regionach. Zakład RML2future je přez 100 organizacijow awtochtonych narodnych mjeńšinow, organizowanych w Federalistiskej uniji europskich narodnych skupin (FUEN) a w Młodźinje europskich narodnych skupin (MENS).

Přehlad wo zaměrach syće:

• spěchować europsku wjacerěčnosć přez skutkowny přinošk k docpěću zaměra – nimo maćerneje rěče znajmjeńša dwě dalšej rěči nawuknyć ze zažneho dźěćatstwa sem a přez wuknjenje čas žiwjenja – wužiwajo w regionje žiwe mjeńšinowe rěče;
• zdźeržeć rěčnu mnohotnosć w Europje a předewšěm wohrožene mjeńšinowe rěče přez zběhnjenje jich prestiža a připóznaća, wosebje w europskim konteksće wjacerěčnosće;
• wučerpać regionalne kubłanske potenciale w zhromadnym dźěle praktikarjow, ekspertow a nošerjow rozsudow kaž tež wutworić rěči přichilenu wokolinu w europskich regionach ze zapřijećom mjeńšinowych rěčow;
• sobu skutkować na wuwiću a zwoprawdźenju europskeje rěčneje politiki ze zapřijećom mjeńšinowych rěčow kaž tež mainstreaming wuslědkow syće;
• etablěrowanje profesionalneje syće, k zwoprawdźenju zaměrow kaž tež za poradźowanje, podpěru a nastork zesylnjeneho zhromadneho dźěła w Europje, předewšěm wučerjow a rěčnych zarjadnišćow mjeńšinowych rěčow.

Tu dźe k partneram RML2future